من طرف أهلي تفجرو چي راحو يزورون
ودوي صوت القنابل أذني طرشهه
والاخوان العرب چنهم ولا يدرون
ألامريكي برعب أولادي عيشهه
ورغم متروس جسمي بكل كتر طعنات
لچن چفي وفه الجيراني ناوشهه
وعليكم يا عرب أعتب لأن يا حيف
ما بيكم قظيتي بغيرة ناقشهه
صواريخي أمس مطرن عله اسرائيل
لأن دولة عرب ليهودي حارشهه
واليوم انه محتل يا عرب چا ليش
واحدكم عيونه اعليه غوشهه
ما شفتو الارهابي الفجر الطلاب
وعلى متون الرصيف الجثث لطشهه
وترظوهه الدرع داس بصدر بغداد
وخدود الفرات الحلوه خدشهه
وما هزكم الشاب الذبحته الكفار
وبدموع الحزن عين امه رتشهه
وما عرگت گصصكم من بچت فد يوم
عراقية لأن الامريكي فتشهه
أنه اليوفي وشلت من غيرة العباس
الروه الغيرة بوفه وما مره عطشهه
راسه اعله الرمح وعيونه مفتوحات
يعان عل خدر ما لحظة رمشهه
ما محتاج منكم فزعة يا هناس
أنه عراقي وهويتي (حسين) همشهه
وما محتاج فزعة وعندي (داحي الباب)
ألبنظرة عيونه الباب فلشهه
صح كمش المحتل بيه صار سنين
وصح خيرات أرضي بچفه ينهشهه
ولكن من اثور وأنخه (ابو السجاد)
أگص ايد الامريكي البيه كمشهه
وساكت مو لأن خايف يجيني الموت
أنه گلوب المگابر دمي أنعشهه
ساكت والسبب أتنطر الوعود
أبو صالح المهدي الدنيته ادهشهه
مهند الحــــــــ
ـــــــــــــــــــزين
ودوي صوت القنابل أذني طرشهه
والاخوان العرب چنهم ولا يدرون
ألامريكي برعب أولادي عيشهه
ورغم متروس جسمي بكل كتر طعنات
لچن چفي وفه الجيراني ناوشهه
وعليكم يا عرب أعتب لأن يا حيف
ما بيكم قظيتي بغيرة ناقشهه
صواريخي أمس مطرن عله اسرائيل
لأن دولة عرب ليهودي حارشهه
واليوم انه محتل يا عرب چا ليش
واحدكم عيونه اعليه غوشهه
ما شفتو الارهابي الفجر الطلاب
وعلى متون الرصيف الجثث لطشهه
وترظوهه الدرع داس بصدر بغداد
وخدود الفرات الحلوه خدشهه
وما هزكم الشاب الذبحته الكفار
وبدموع الحزن عين امه رتشهه
وما عرگت گصصكم من بچت فد يوم
عراقية لأن الامريكي فتشهه
أنه اليوفي وشلت من غيرة العباس
الروه الغيرة بوفه وما مره عطشهه
راسه اعله الرمح وعيونه مفتوحات
يعان عل خدر ما لحظة رمشهه
ما محتاج منكم فزعة يا هناس
أنه عراقي وهويتي (حسين) همشهه
وما محتاج فزعة وعندي (داحي الباب)
ألبنظرة عيونه الباب فلشهه
صح كمش المحتل بيه صار سنين
وصح خيرات أرضي بچفه ينهشهه
ولكن من اثور وأنخه (ابو السجاد)
أگص ايد الامريكي البيه كمشهه
وساكت مو لأن خايف يجيني الموت
أنه گلوب المگابر دمي أنعشهه
ساكت والسبب أتنطر الوعود
أبو صالح المهدي الدنيته ادهشهه
مهند الحــــــــ
ـــــــــــــــــــزين
