الظاهر بديت اشتاق

بديتي توحشيني جد والظاهر بديـت اشتـاق
دخيـل الله ياقلبـي تحـب وتبتلـش ثـانـي ..




عسى ما شر ما تدري ترى كثر الغلا سـراق
نسيت الحب ياقلـب المعـذب ويـن ودانـي ..




يارحمة ربنا والجرح يحرق مهجتـي احـراق
يادمعة هالعيـون اللـي ابمنعهـا ولا امدانـي ..




ياجورك يالخيانه كيف يسهرني الى الأشـراق
ياظلمك يالحزن وشلـون ماترحـل وتنسانـي ..




دخيلك ياعيون النور تعالـي واقـري الأوراق
تعالي واسألي دمع القلـم عـن هـم قيفانـي ..




تعالي وارسمي البسمه ترى ذا الوضع ماينطاق
تعبت اصبر واشوف الصبر انكرني وخلانـي ..




على بالي تجيني دوم وان جيتـي فبالـي راق
بديتي تسكنيـن بخافقـي والشـوق نادانـي ..




تعالي نرسم البسمه ونفرح بالهـوى عشـاق
تعالي حرريني من قيـود الجـرح واحزانـي ..




تعالي وابني بيوت المحبـه داخـل الأعمـاق
تعالي نفرش بساط الهنا مـن غيـر مانعانـي ..




فديتك يابعدهم كلهم مـن جـد لـك مشتـاق
تعالـي لا تخلينـي اعيـش العمـر وحدانـي