مهند الحزين (البحر)

هاج البحر ...
وانحبست الحسره بالجفون
اذا اقرب الناس ايريد موتك
عليش اتهل دمعتك عاليموتون
اليموت ابهلوكت يرتاح ويهيد
مو مثل اليعيش ابديرة اغراب
اهنا لما انموت الثلج ينهال
اهناك ادموع اهلنه اتهيل التراب
من گاعد وياهم انته مجنون
من اتموت اتصير اشكثر حباب
يتمنون ترجع من بعد موت
ما ضاگوا الظلمه وثگل التراب
چنت بيناتهم بس ما يشوفون
ظيمك والوكت وفراگ الاحباب
ولا واحد نخيته وگال عيناك
ولا صاحب وفي الينشد عن الحال
وحدك تصفگ ابراحك على الراح
لان وكتك ترده والحمل مال
طبع دنيه اتعلي العنده جنحان
وايضل مكفخه الما يگدر ايطير
واذا فد يوم طحت ابزلة السان
يگطعونك وصل مثل المناشير
واذا وكتك عكس وياك فد يوم
اعز الناس عندك ضدك ايصير
بس خليك دافي ابثلج الايام
وخل طبعك يضل طبع النواعير
اشكثر شفنه على طول الوكت لچمات
وكتبنه لسان لحلوگ التنانير
الخبز من يستوي ابنيران الافكار
يورد طيب بگلوب المحبين
الخبز نفسه ولا بدلنه تنور
لان الطيبه من طيب العناوين

مهند الحـــــزين