بليل الخرس

چانت الدنيه ..
دشاديش ومحبه
ابغفله يا خذنه النعاس امنلتعب
ابحمرة الرمان تزهي امطرزات اثيابنه
وچانت امي...
اتحمص الخبزه ذهب
والسمچ خدران بالتنور
وقوري الچاي يضوي ويه اللهب
نخلة الجيران تتصنت حچينه
وتنكت املبس رطب
وچان بس حظ وبخت بيناتنه
وزاد وملح
ليلة العيد.. وملابسنه الجديده
ربي .. شيجيب الصبح
يا مسية العافيه اعليكم ييمه
من تهب نسمة شمال بليل ..
واترش السطح
چان طعم الرازقي ابجمرة حچينه
وچان المحجر سمح
چنت اغني ابعالي صوتي
وچان يطربني المكان
وچانت التينه ترضعني حنان
احبيبه واتوسد غصنها ابكل امان
يبست التينه ..
وعكس وياي وكتي
بلبل اخرس ...
صرت من جور الزمان

مهند الحــــــــــــزين

الللللللللللله شهيتي سمج والله وجاي عله الفحم ههههههههههههههه عاشت ايدك
تحيااتي