البلبل

البلبل العاش بقفص يبقى سجين
شما تقدمله ترف لو مغريات
الشاعر الماجاسه ضيم
شلون يبدع بالقصيده
والسنبله يصوفر وجهها
كون تشتلها وحيده
الباب ما يفرح لون ما دكه ضيف
وفي عصرنا.......
شنهي يسوه بلايه صيف
وشفة الغافي بجت وحشه غريب
شلون ما مرت شفايف تغفه بيها
وعيني تنطر .... خيط يطلع يا فجر
ومن كثر شوكي اعله شفته
حّفرت عضات شفتيني حفر
الماي بجروف العشك مغتاض ليش
وشتله الغيره ذبل بيها الحصاد
اغتاض شطي ....
من الجروف وضل جزر
وصارت اجروفي رماد
الماي دهله ....
وخابط وما شفنه ماي
طين ... بس يا طين
من طين اليبوك الفرح من اشفاف طفله
الماي دهله ....
وتاهت الفاله بعد ما بيها حيل
تاهت وصارت اعيون الفاله عميه
وانخلط بيها الظهر .. ما تدري ليل
الماي دهله ...
والكعد يم الجرف يترجه خله
بس يمرر .......
يعرف الماي .... ويدخل بنصه ويبدله
الماي دهله .....
وينطر ومامش حبيب
مامش بنادم يشيل بروحه رحمه
وياخذ الاعمه ويدله
الماي دهله
الماي دهله